Dhyāna Śloka
aruṇāṃ karuṇā taraṅgitākṣīṃ
dhṛta pāśāṅkuśa puṣpa bāṇacāpām |
aṇimādibhi rāvṛtāṃ mayūkhai-
rahamityeva vibhāvaye bhavānīm ||
I meditate on the great Empress. She is red in color, and her eyes are full of compassion, and holds the noose, the goad, the bow and the flowery arrow in Her hands. She is surrounded on all sides by powers such as aṇimā for rays and She is the Self within me.
dhyāyet padmāsanasthāṃ vikasitavadanāṃ padmapatrāyatākṣīṃ
hemābhāṃ pītavastrāṃ karakalitalasaddhemapadmāṃ varāṅgīm |
sarvālaṅkāra yuktāṃ satata mabhayadāṃ bhaktanamrāṃ bhavānīṃ
śrīvidyāṃ śānta mūrtiṃ sakala suranutāṃ sarva sampatpradātrīm ||
The Divine Goddess is to be meditated upon as seated on the lotus with petal eyes. She is golden hued, and has lotus flowers in Her hand. She dispels fear of the devotees who bow before Her. She is the embodiment of peace, knowledge (vidyā), is praised by gods and grants every kind of wealth wished for.
sakuṅkuma vilepanāmalikacumbi kastūrikāṃ
samanda hasitekṣaṇāṃ saśara cāpa pāśāṅkuśām |
aśeṣajana mohinīṃ aruṇa mālya bhūṣāmbarāṃ
japākusuma bhāsurāṃ japavidhau smare dambikām ||
I meditate on the Mother, whose eyes are smiling, who holds the arrow, bow, noose and the goad in Her hand. She is glittering with red garlands and ornaments. She is painted with kumkuma on her forehead and is red and tender like the japa flower.
Śrī Lalitā Sahasranāma Strotram
ॐ श्रीमाता श्रीमहाराज्ञी श्रीमत्सिंहासनेश्वरी ।
चिदग्निकुण्ड सम्भूता देवकार्य समुद्यता ।।१।।
oṃ śrīmātā śrīmahārājñī śrīmat-siṃhāsaneśvarī
cidagnikuṇḍa sambhūtā devakārya samudyatā [1]
उद्यद्भानु सहस्राभा चतुर्बाहु समन्विता ।
रागस्वरूप पाशाढ्या क्रोधाकाराङ्कुशोज्ज्वला ।।२।।
udyadbhānu sahasrābhā caturbāhu samanvitā
rāgasvarūpa pāśāḍhyā krodhākārāṅkuśojjvalā [2]
मनोरूपेक्षु कोदण्डा पञ्चतन्मात्र सायका ।
निजारुण प्रभापूर मज्जद् ब्रह्माण्ड मण्डला ।।३।।
manorūpekṣu kodaṇḍā pañcatanmātra sāyakā
nijāruṇa prabhāpūra majjad brahmāṇḍa maṇḍalā [3]
चम्पकाशोक पुन्नाग सौगन्धिक लसत्कचा ।
कुरुविन्द मणिश्रेणी कनत्कोटीर मण्डिता ।।४।।
campakāśōka punnāga saugandhika lasatkacā
kuruvinda maṇiśrēṇī kanatkoṭīra maṇḍitā [4]
अष्टमी चन्द्र विभ्राजदलिक स्थल शोभिता ।
मुखचन्द्र कलङ्काभ मृगनाभि विशेषका ।।५।।
aṣṭamī candra vibhrājadalika sthala śobhitā
mukhacandra kalaṅkābha mṛganābhi viśeṣakā [5]
वदनस्मर माङ्गल्य गृहतोरण चिल्लिका ।
वक्त्र लक्ष्मी परीवाह चलन् मीनाभ लोचना ।।६।।
vadanasmara māṅgalya gṛhatoraṇa cillikā
vaktra lakṣmī parīvāha calan mīnābha locanā [6]
नवचम्पक पुष्पाभ नासादण्ड विराजिता ।
ताराकान्ति तिरस्कारि नासाभरण भासुरा ।।७।।
navacampaka puṣpābha nāsādaṇḍa virājitā
tārākānti tiraskāri nāsābharaṇa bhāsurā [7]
कदम्ब मञ्जरी कॢप्त कर्णपूर मनोहरा ।
ताटङ्क युगलीभूत तपनोडुप मण्डला ।।८।।
kadamba mañjarī kḷpta karṇapūra manoharā
tāṭaṅka yugalībhūta tapanoḍupa maṇḍalā [8]
पद्मराग शिलादर्श परिभावि कपोलभूः ।
नवविद्रुम बिम्बश्री न्यक्कारि रदनच्छदा ।।९।।
padmarāga śilādarśa paribhāvi kapolabhūḥu
navavidruma bimbaśrī nyakkāri radanacchadā [9]
शुद्ध विद्याङ्कुराकार द्विजपङ्क्ति द्वयोज्ज्वला ।
कर्पूर वीटिकामोद समाकर्षी दिगन्तरा ।।१०।।
śuddha vidyāṅkurākāra dvijapaṅkti dvayojjvalā
karpūra vīṭikāmoda samākarṣī digantarā [10]
निजसल्लाप माधुर्य विनिर्भर्त्सित कच्छपी ।
मन्दस्मित प्रभापूर मज्जत्कामेश मानसा ।।११।।
nijasallāpa mādhurya vinirbhartsita kacchapī
mandasmita prabhāpūra majjatkāmeśa mānasā [11]
अनाकलित सादृश्य चिबुकश्री विराजिता ।
कामेश बद्ध माङ्गल्य सूत्र शोभित कन्धरा ।।१२।।
anākalita sādṛśya cibukaśrī virājitā
kāmeśa baddha māṅgalya sūtra śobhita kandharā [12]
कनकाङ्गद केयूर कमनीय भुजान्विता ।
रत्नग्रैवेय चिन्ताकलोल मुक्ताफलान्वित ।।१३।।
kanakāṅgada keyūra kamanīya bhujānvitā
ratnagraiveya cintākalola muktāphalānvitā [13]
कामेश्वर प्रेमरत्न मणि प्रतिपण स्तनी ।
नाभ्यालवाल रोमाली लताफल कुचद्वयी ।।१४।।
kāmeśvara premaratna maṇi pratipaṇa stanī
nābhyālavāla romālī latāphala kucadvayī [14]
लक्ष्यरोमलता धारता समुन्नेय मध्यमा ।
स्तनभार दलन्मध्य पट्टबन्ध वलित्रया ।।१५।।
lakṣyaromalatā dhāratā samunneya madhyamā
stanabhāra dalanmadhya paṭṭabandha valitrayā [15]
अरुणारुण कौसुम्भ वस्त्रभास्वत् कटीतटी ।
रत्नकिङ्किणिका रम्य रशना दाम भूषिता ।।१६।।
aruṇāruṇa kausumbha vastrabhāsvat kaṭītaṭī
ratnakiṅkiṇikā ramya raśanā dāma bhūṣitā [16]
कामेश ज्ञात सौभाग्य मार्दवोरु द्वयान्विता ।
माणिक्य मुकुटाकार जानुद्वय विराजिता ।।१७।।
kāmeśa jñāta saubhāgya mārdavoru dvayānvitā
māṇikya mukuṭākāra jānudvaya virājitā [17]
इन्द्रगोप परिक्षिप्त स्मरतूणाभ जङ्घिका ।
गूढगुल्फा कूर्मपृष्ठ जयिष्णु प्रपदान्विता ।।१८।।
indragopa parikṣipta smaratūṇābha jaṅghikā
gūḍhagulphā kūrmapṛṣṭha jayiṣṇu prapadānvitā [18]
नखदीधिति संछन्न नमज्जन तमोगुणा ।
पदद्वय प्रभाजाल पराकृत सरोरुहा ।।१९।।
nakhadīdhiti sanchanna namajjana tamoguṇā
padadvaya prabhājāla parākṛta saroruhā [19]
सिञ्जान मणिमञ्जीर मण्डितश्री पदाम्बुजा ।
मराली मन्दगमना महालावण्य शेवधिः ।।२०।।
siñjāna maṇimañjīra maṇḍitaśrī padāmbujā
marālī mandagamanā mahālāvaṇya śevadhiḥi [20]
सर्वारुणाऽनवद्याङ्गी सर्वाभरण भूषिता ।
शिवकामेश्वराङ्कस्था शिवा स्वाधीन वल्लभा ।।२१।।
sarvāruṇā̕navadyāṅgī sarvābharaṇa bhūṣitā
śiva kāmeśvarāṅkasthā śivā svādhīna vallabhā [21]
सुमेरु मध्य शृङ्गस्था श्रीमन्नगर नायिका ।
चिन्तामणि गृहान्तस्था पञ्चब्रह्मासनस्थिता ।।२२।।
sumeru madhya śṛṅgasthā śrīmannagara nāyikā
cintāmaṇi gṛhāntasthā pañcabrahmāsanasthitā [22]
महापद्माटवी संस्था कदम्ब वनवासिनी ।
सुधासागर मध्यस्था कामाक्षी कामदायिनी ।।२३।।
mahāpadmāṭavī saṁsthā kadamba vanavāsinī
sudhāsāgara madhyasthā kāmākṣī kāmadāyinī [23]
देवर्षि गणसंघात स्तूयमानात्म वैभवा ।
भण्डासुर वधोद्युक्त शक्तिसेना समन्विता ।।२४।।
devarṣi gaṇasaṅghāta stūyamānātma vaibhavā
bhaṇḍāsura vadhodyukta śaktisenā samanvitā [24]
सम्पत्करी समारूढ सिन्धुर व्रजसेविता ।
अश्वारूढा धिष्ठिताश्व कोटिकोटिभिरावृता ।।२५।।
sampatkarī samārūḍha sindhura vrajasevitā
aśvārūḍhā dhiṣṭhitāśva koṭikoṭibhirāvṛtā [25]
चक्रराज रथारूढ सर्वायुध परिष्कृता ।
गेयचक्र रथारूढ मन्त्रिणी परिसेविता ।।२६।।
cakrarāja rathārūḍha sarvāyudha pariṣkṛtā
geyacakra rathārūḍha mantriṇī parisevitā [26]
किरिचक्र रथारूढ दण्डनाथा पुरस्कृता ।
ज्वालामालिनिकाक्षिप्त वह्नि प्राकार मध्यगा ।।२७।।
kiricakra rathārūḍha daṇḍanāthā puraskṛtā
jvālāmālinikākṣipta vahni prākāra madhyagā [27]
भण्डसैन्य वधोद्युक्त शक्तिविक्रम हर्षिता ।
नित्या पराक्रमाटोप निरीक्षण समुत्सुका ।।२८।।
bhaṇḍasainya vadhodyukta śaktivikrama harṣitā
nityā parākramāṭopa nirīkṣaṇa samutsukā [28]
भण्डपुत्र वधोद्युक्त बालाविक्रम नन्दिता ।
मन्त्रिण्यम्बा विरचित विषङ्ग वधतोषिता ।।२९।।
bhaṇḍaputra vadhodyukta bālāvikrama nanditā
mantriṇyambā virachita viṣaṅga vadhatoṣitā [29]
विशुक्र प्राणहरण वाराही वीर्यनन्दिता ।
कामेश्वर मुखालोक कल्पित श्रीगणेश्वरा ।।३०।।
viśukra prāṇaharaṇa vārāhī vīryananditā
kāmeśvara mukhāloka kalpita śrīgaṇeśvarā [30]
महागणेश निर्भिन्न विघ्नयन्त्र प्रहर्षिता ।
भण्डासुरेन्द्र निर्मुक्त शस्त्र प्रत्यस्त्र वर्षिणी ।।३१।।
mahāgaṇeśa nirbhinna vighnayantra praharṣitā
bhaṇḍāsurendra nirmukta śastra pratyastra varṣiṇī [31]
कराङ्गुलि नखोत्पन्न नारायण दशाकृतिः ।
महापाशुपतास्त्राग्नि निर्दग्धासुर सैनिका ।।३२।।
karāṅguli nakhotpanna nārāyaṇa daśākṛtiḥi
mahāpāśupatāstrāgni nirdagdhāsura sainikā [32]
कामेश्वरास्त्र निर्दग्ध सभण्डासुर शून्यका ।
ब्रह्मोपेन्द्र महेन्द्रादि देवसंस्तुत वैभवा ।।३३।।
kāmeśvarāstra nirdagdha sabhaṇḍāsura śūnyakā
brahmopendra mahendrādi devasaṃstuta vaibhavā [33]
हरनेत्राग्नि संदग्ध काम सञ्जीवनौषधिः ।
श्रीमद्वाग्भव कूटैक स्वरूप मुखपङ्कजा ।।३४।।
haranetrāgni sandagdha kāma sañjīvanauṣadhiḥi
śrīmadvāgbhava kūṭaika svarūpa mukhapaṅkajā [34]
कण्ठाधः कटिपर्यन्त मध्यकूट स्वरूपिणी ।
शक्तिकूटैक तापन्न कट्यधोभाग धारिणी ।।३५।।
kaṇṭhādhaḥ kaṭiparyanta madhyakūṭa svarūpiṇī
śaktikūṭaika tāpanna kaṭyadhobhāga dhāriṇī [35]
मूलमन्त्रात्मिका मूलकूटत्रय कलेवरा ।
कुलामृतैक रसिका कुलसंकेत पालिनी ।।३६।।
mūlamantrātmikā mūlakūṭatraya kalevarā
kulāmṛtaika rasikā kulasaṅketa pālinī [36]
कुलाङ्गना कुलान्तस्था कौलिनी कुलयोगिनी ।
अकुला समयान्तस्था समयाचार तत्परा ।।३७।।
kulāṅganā kulāntasthā kaulinī kulayōginī
akulā samayāntasthā samayācāra tatparā [37]
मूलाधारैक निलया ब्रह्मग्रन्थि विभेदिनी ।
मणिपूरान्तरुदिता विष्णुग्रन्थि विभेदिनी ।।३८।।
mūlādhāraika nilayā brahmagranthi vibhedinī
maṇipūrāntaruditā viṣṇugranthi vibhedinī [38]
आज्ञा चक्रान्तरालस्था रुद्रग्रन्थि विभेदिनी ।
सहस्राराम्बुजारूढा सुधासाराभि वर्षिणी ।।३९।।
ājñā cakrāntarālasthā rudragranthi vibhedinī
sahasrārāmbujārūḍhā sudhāsārābhi varṣiṇī [39]
तडिल्लता समरुचिः षट्चक्रोपरि संस्थिता ।
महाशक्तिः कुण्डलिनी बिसतन्तु तनीयसी ।।४०।।
taḍillatā samaruciḥ ṣaṭcakropari saṃsthitā
mahāśaktiḥ kuṇḍalinī bisatantu tanīyasī [40]
भवानी भावनागम्या भवारण्य कुठारिका ।
भद्रप्रिया भद्रमूर्ति: भक्त सौभाग्यदायिनी ।।४१।।
bhavānī bhāvanāgamyā bhavāraṇya kuṭhārikā
bhadrapriyā bhadramūrtiḥ bhakta saubhāgyadāyinī [41]
भक्तिप्रिया भक्तिगम्या भक्तिवश्या भयापहा ।
शाम्भवी शारदाराध्या शर्वाणी शर्मदायिनी ।।४२।।
bhaktipriyā bhaktigamyā bhaktivaśyā bhayāpahā
śāmbhavī śāradārādhyā śarvāṇī śarmadāyinī [42]
शाङ्करी श्रीकरी साध्वी शरच्चन्द्र निभानना ।
शातोदरी शान्तिमती निराधारा निरञ्जना ।।४३।।
śāṅkarī śrīkarī sādhvī śaraccandra nibhānanā
śātodarī śāntimatī nirādhārā nirañjanā [43]
निर्लेपा निर्मला नित्या निराकारा निराकुला ।
निर्गुणा निष्कला शान्ता निष्कामा निरुपप्लवा ।।४४।।
nirlepā nirmalā nityā nirākārā nirākulā nirguṇā
niṣkalā śāntā niṣkāmā nirupaplavā [44]
नित्यमुक्ता निर्विकारा निष्प्रपञ्चा निराश्रया ।
नित्यशुद्धा नित्यबुद्धा निरवद्या निरन्तरा ।।४५।।
nityamuktā nirvikārā niṣprapañcā nirāśrayā
nityaśuddhā nityabuddhā niravadyā nirantarā [45]
निष्कारणा निष्कलङ्का निरुपाधि: निरीश्वरा ।
नीरागा रागमथनी निर्मदा मदनाशिनी ।।४६।।
niṣkāraṇā niṣkalaṅkā nirupādhiḥ nirīśvarā nīrāgā
rāgamathanī nirmadā madanāśinī [46]
निश्चिन्ता निरहङ्कारा निर्मोहा मोहनाशिनी ।
निर्ममा ममताहन्त्री निष्पापा पापनाशिनी ।।४७।।
niścintā nirahaṅkārā nirmohā mohanāśinī
nirmamā mamatāhantrī niṣpāpā pāpanāśinī [47]
निष्क्रोधा क्रोधशमनी निर्लोभा लोभनाशिनी ।
निःसंशया संशयघ्नी निर्भवा भवनाशिनी ।।४८।।
niṣkrodhā krodhaśamanī nirlobhā lobhanāśinī
niḥsaṃśayā saṃśayaghnī nirbhavā bhavanāśinī [48]
निर्विकल्पा निराबाधा निर्भेदा भेदनाशिनी ।
निर्नाशा मृत्युमथनी निष्क्रिया निष्परिग्रहा ।।४९।।
nirvikalpā nirābādhā nirbhedā bhedanāśinī
nirnāśā mṛtyumathanī niṣkriyā niṣparigrahā [49]
निस्तुला नीलचिकुरा निरपाया निरत्यया ।
दुर्लभा दुर्गमा दुर्गा दुःखहन्त्री सुखप्रदा ।।५०।।
nistulā nīlacikurā nirapāyā niratyayā durlabhā
durgamā durgā duḥkhahantrī sukhapradā [50]
दुष्टदूरा दुराचारशमनी दोषवर्जिता ।
सर्वज्ञा सान्द्रकरुणा समानाधिक वर्जिता ।।५१।।
duṣṭadūrā durācāraśamanī doṣavarjitā
sarvajñā sāndrakaruṇā samānādhika varjitā [51]
सर्वशक्तिमयी सर्वमाङ्ग्ला सद्गतिप्रदा ।
सर्वेश्वरी सर्वमयी सर्वमन्त्र स्वरूपिणी ।।५२।।
sarvaśaktimayīsarvamāṅglā sadgatipradā
sarveśvarī sarvamayī sarvamantra svarūpiṇī [52]
सर्वयन्त्रात्मिका सर्वतन्त्ररुपा मनोन्मनी ।
माहेश्वरी महादेवी महालक्ष्मीर् मृडप्रिया ।।५३।।
sarvayantrātmikā sarvatantrarupā manonmanī
māheśvarī mahādevī mahālakṣmīr mṛḍapriyā [53]
महारुपा महापूज्या महापातक नाशिनी ।
महामाया महासत्वा महाशक्तिर् महारतिः ।।५४।।
mahārupā mahāpūjyā mahāpātaka nāśinī
mahāmāyā mahāsatvā mahāśaktir mahāratiḥ [54]
महाभोगा महैश्वर्या महावीर्या महाबला ।
महाबुद्धिर् महासिद्धिर् महायोगेश्वरेश्वरी ।।५५।।
mahābhogā mahaiśvaryā mahāvīryā mahābalā
mahābuddhir mahāsiddhir mahāyogeśvareśvarī [55]
महातन्त्रा महामन्त्रा महायन्त्रा महासना ।
महायाग क्रमाराध्या महाभैरव पूजिता ।।५६।।
mahātantrā mahāmantrā mahāyantrā mahāsanā ।
mahāyāga kramārādhyā mahābhairava pūjitā [56]
महेश्वर महाकल्प महाताण्डव साक्षिणी ।
महाकामेश महिषी महात्रिपुरसुन्दरी ।।५७।।
maheśvara mahākalpa mahātāṇḍava sākṣiṇī ।
mahākāmeśa mahiṣī mahātripurasundarī [57]
चतुष्षष्ट्युपचाराढ्या चतुष्षष्टिकलामयी ।
महाचतुःषष्टिकोटि योगिनी गणसेविता ।।५८।।
catuṣṣaṣṭyupacārāḍhyā catuṣṣaṣṭikalāmayī ।
mahācatuḥṣaṣṭikoṭi yoginī gaṇasevitā [58]
मनुविद्या चन्द्रविद्या चन्द्रमण्डल मध्यगा ।
चारुरूपा चारुहासा चारुचन्द्र कलाधरा ।।५९।।
manuvidyā candravidyā candramaṇḍala madhyagā ।
cārurūpā cāruhāsā cārucandra kalādharā [59]
चराचर जगन्नाथा चक्रराज निकेतना ।
पार्वती पद्मनयना पद्मराग समप्रभा ।।६०।।
carācara jagannāthā cakrarāja niketanā ।
pārvatī padmanayanā padmarāga samaprabhā [60]
पञ्चप्रेतासनासीना पञ्चब्रह्मस्वरूपिणी ।
चिन्मयी परमानन्दा विज्ञानघनरूपिणी ।।६१।।
pañcapretāsanāsīnā pañcabrahmasvarūpiṇī ।
cinmayī paramānandā vijñānaghanarūpiṇī [61]
ध्यान ध्यातृ ध्येयरूपा धर्माधर्मविवर्जिता ।
विश्वरूपा जागरिणी स्वपन्ती तैजसात्मिका ।।६२।।
dhyāna dhyātṛ dhyeyarūpā dharmādharmavivarjitā ।
viśvarūpā jāgariṇī svapantī taijasātmikā [62]
सुप्ता प्राज्ञात्मिका तुर्या सर्वावस्था विवर्जिता ।
सृष्टिकर्त्री ब्रह्मरूपा गोप्त्री गोविन्दरूपिणी ।।६३।।
suptā prājñātmikā turyā sarvāvasthā vivarjitā ।
sṛṣṭikartrī brahmarūpā goptrī govindarūpiṇī [63]
संहारिणी रुद्ररूपा तिरोधानकरीश्वरी ।
सदाशिवाऽनुग्रहदा पञ्चकृत्यपरायणा ।।६४।।
saṃhāriṇī rudrarūpā tirodhānakarīśvarī ।
sadāśivā'nugrahadā pañcakṛtyaparāyaṇā [64]
भानुमण्डल मध्यस्था भैरवी भगमालिनी ।
पद्मासना भगवती पद्मनाभ सहोदरी ।।६५।।
bhānumaṇḍala madhyasthā bhairavī bhagamālinī ।
padmāsanā bhagavatī padmanābha sahodarī [65]
उन्मेष निमिषोत्पन्न विपन्न भुवनावली ।
सहस्रशीर्षवदना सहस्राक्षी सहस्रपात् ।।६६।
unmeṣa nimiṣotpanna vipanna bhuvanāvalī ।
sahasraśīrṣavadanā sahasrākṣī sahasrapāt [66]
आब्रह्मकीटजननी वर्णाश्रम विधायिनी ।
निजाज्ञारूप निगमा पुण्यापुण्य फलप्रदा ।।६७।।
ābrahmakīṭajananī varṇāśrama vidhāyinī ।
nijājñārūpa nigamā puṇyāpuṇya phalapradā [67]
श्रुति सीमन्त सिन्दूरी कृत पादाब्जधूलिका ।
सकलागम सन्दोह शुक्ति सम्पुट मौक्तिका ।।६८।।
śruti sīmanta sindūrī kṛta pādābjadhūlikā ।
sakalāgama sandoha śukti sampuṭa mauktikā [68]
पुरुषार्थप्रदा पूर्णा भोगिनी भुवनेश्वरी ।
अम्बिकाऽनादि निधना हरिब्रह्मेन्द्र सेविता ।।६९।।
puruṣārthapradā pūrṇā bhoginī bhuvaneśvarī ।
ambikā'nādi nidhanā haribrahmendra sevitā [69]
नारायणी नादरूपा नामरूप विवर्जिता ।
ह्रीङ्कारी ह्रीमती हृद्या हेयोपादेय वर्जिता ।।७०।।
nārāyaṇī nādarūpā nāmarūpa vivarjitā ।
hrīṅkārī hrīmatī hṛdyā heyopādeya varjitā [70]
राजराजार्चिता राज्ञी रम्या राजीव लोचना ।
रञ्जनी रमणी रस्या रणत्किङ्किणि मेखला ।।७१।।
rājarājārcitā rājñī ramyā rājīva locanā
rañjanī ramaṇī rasyā raṇatkiṅkiṇi mekhalā [71]
रमा राकेन्दुवदना रतिरुपा रतिप्रिया ।
रक्षाकरी राक्षसघ्नी रामा रमणलम्पटा ।।७२।।
ramā rākenduvadanā ratirupā ratipriyā
rakṣākarī rākṣasaghnī rāmā ramaṇalampaṭā [72]
काम्या कामकलारुपा कदम्ब कुसुम प्रिया ।
कल्याणी जगती कन्दा करुणा रस सागरा ।।७३।।
kāmyā kāmakalārupā kadamba kusuma priyā
kalyāṇī jagatī kandā karuṇā rasa sāgarā [73]
कलावती कलालापा कान्ता कादम्बरी प्रिया ।
वरदा वामनयना वारुणी मद विह्वला ।।७४।।
kalāvatī kalālāpā kāntā kādambarī priyā
varadā vāmanayanā vāruṇī mada vihvalā [74]
विश्वाधिका वेदवेद्या विन्ध्याचल निवासिनी ।
विधात्री वेदजननी विष्णुमाया विलासिनी ।।७५।।
viśvādhikā vedavedyā vindhyācala nivāsinī
vidhātrī vedajananī viṣṇumāyā vilāsinī [75]
क्षेत्रस्वरुपा क्षेत्रेशी क्षेत्र क्षेत्र्यज्ञ पालिनी।
क्षयवृद्धि विनिर´मुक्ता क्षेत्रपाल समर्चिता ।।७६।।
kṣetrasvarupā kṣetreśī kṣetra kṣetryajña pālinī
kṣayavṛddhi vinira´muktā kṣetrapāla samarcitā [76]
विजया विमला वन्ध्या वन्दारु जन वत्सला ।
वाग्वादिनी वामकेशी वह्निमण्डल वासिनी ।।७७।
vijayā vimalā vandhyā vandāru jana vatsalā
vāgvādinī vāmakeśī vahnimaṇḍala vāsinī [77]
भक्तिमत् कल्पलतिका पशुपाश विमोचिनी ।
संहृताशेष पाषण्डा सदाचार प्रवर्तिका ।।७८।।
bhaktimat kalpalatikā paśupāśa vimocinī
saṃhṛtāśeṣa pāṣaṇḍā sadācāra pravartikā [78]
तापत्रयाग्नि सन्तप्त समाह्लादन चन्द्रिका ।
तरुणी तापसा राध्या तनुमध्या तमोऽपहा ।।७९।।
tāpatrayāgni santapta samāhlādana candrikā
taruṇī tāpasā rādhyā tanumadhyā tamo'pahā [79]
चितिस्तत्पद लक्ष्यार्था चिदेकरस रुपिणी ।
स्वात्मानन्द लवीभूत ब्रह्माद्यानन्द सन्तति: ।।८०।।
citistatpada lakṣyārthā cidekarasa rupiṇī
svātmānanda lavībhūta brahmādyānanda santatiḥ [80]
परा प्रत्यक्चितीरूपा पश्यन्ती परदेवता ।
मध्यमा वैखरी रुपा भक्तमानस हंसिका ।।८१।।
parā pratyakcitīrūpā paśyantī paradevatā
madhyamā vaikharī rupā bhaktamānasa haṃsikā [81]
कामेश्वर प्राणनाडी कृतज्ञा कामपूजिता ।
शृङ्गार रस सम्पूर्णा जया जालन्धर स्थिता ।।८२।।
kāmeśvara prāṇanāḍī kṛtajñā kāmapūjitā
śṛṅgāra rasa sampūrṇā jayā jālandhara sthitā [82]
ओड्याण पीठ निलया बिन्दु मण्डलवासिनी ।
रहोयाग क्रमाराध्या रहस्तर्पण तर्पिता ।।८३।।
oḍyāṇa pīṭha nilayā bindu maṇḍalavāsinī
rahoyāga kramārādhyā rahastarpaṇa tarpitā [83]
सद्यः प्रसादिनी विश्वसाक्षिणी साक्षिवर्जिता ।
षडङ्गदेवता युक्ता षाड्गुण्य परिपूरिता ।।८४।।
sadyaḥ prasādinī viśvasākṣiṇī sākṣivarjitā
ṣaḍaṅgadevatā yuktā ṣāḍguṇya paripūritā [84]
नित्या क्लिन्ना निरुपमा निर्वाण सुख दायिनी ।
नित्याषोडशिका रूपा श्रीकण्ठार्ध शरीरिणी ।।८५।।
nityā klinnā nirupamā nirvāṇa sukha dāyinī
nityāṣoḍaśikā rūpā śrīkaṇṭhārdha śarīriṇī [85]
प्रभावती प्रभारूपा प्रसिद्धा परमेश्वरी ।
मूलप्रकृतिर् अव्यक्ता व्यक्ताव्यक्त स्वरूपिणी ।।८६।।
prabhāvatī prabhārūpā prasiddhā parameśvarī
mūlaprakṛtir avyaktā vyaktāvyakta svarūpiṇī [86]
व्यापिनी विविधाकारा विद्याविद्या स्वरूपिणी ।
महाकामेश नयन कुमुदाह्लाद कौमुदी ।।८७।।
vyāpinī vividhākārā vidyāvidyā svarūpiṇī
mahākāmeśa nayana kumudāhlāda kaumudī [87]
भक्त हार्द तमो भेद भानुमद्भानु संततिः ।
शिवदूती शिवराध्या शिवमूर्तिः शिवङ्करी ।।८८।।
bhakta hārda tamo bheda bhānumadbhānu santatiḥ
śivadūtī śivarādhyā śivamūrtiḥ śivaṅkarī [88]
शिवप्रिया शिवपरा शिष्टेष्टा शिष्टपूजिता ।
अप्रमेया स्वप्रकाशा मनोवाचाम् अगोचरा ।।८९।।
śivapriyā śivaparā śiṣṭeṣṭā śiṣṭapūjitā
aprameyā svaprakāśā manovācām agocarā [89]
चिच्छक्तिश् चेतना रूपा जडशक्तिर् जडात्मिका ।
गायत्री व्याहृति: संध्या द्विजबृन्द निषेविता ।।९०।।
cicchaktiś cetanā rūpā jaḍaśaktir jaḍātmikā
gāyatrī vyāhṛtiḥ sandhyā dvijabṛnda niṣevitā [90]
तत्त्वासना तत्तवमयी पञ्चकोशान्तर स्थिता ।
निःसीम महिमा नित्य यौवना मदशालिनी ।।९१।।
tattvāsanā tattavamayī pañcakośāntara sthitā
niḥsīma mahimā nitya yauvanā madaśālinī [91]
मद्घूर्णित रक्ताक्षी मदपाटल गण्डभूः ।
चन्दन द्रव दिग्धाङ्गी चाम्पेय कुसुम प्रिया ।।९२।।
madghūrṇita raktākṣī madapāṭala gaṇḍabhūḥ
candana drava digdhāṅgī cāmpeya kusuma priyā [92]
कुशला कोमलाकारा कुरुकुल्ला कुलेश्वरी ।
कुलकुण्डलया कौलमार्ग तत्पर सेविता ।।९३।।
kuśalā komalākārā kurukullā kuleśvarī
kulakuṇḍalayā kaulamārga tatpara sevitā [93]
कुमार गणनाथाम्बा तुष्टिः पुष्टिर् मतिर् धृतिः ।
शान्तिः स्वस्तिमती कान्तिर् नन्दिनी विघ्ननाशिनी ।।९४।।
kumāra gaṇanāthāmbā tuṣṭiḥ puṣṭir matir dhṛtiḥ
śāntiḥ svastimatī kāntir nandinī vighnanāśinī [94]
तेजोवती त्रिनयना लोलाक्षी कामरूपिणी ।
मालिनी हंसिनी माता मलयाचल वासिनी ।।९५।।
tejovatī trinayanā lolākṣī kāmarūpiṇī
mālinī haṃsinī mātā malayācala vāsinī [95]
सुमुखी नलिनी सुभ्रूः शोभना सुरनायिका ।
कालकण्ठी कान्तिमती क्षोभिणी सूक्ष्मरूपिणी ।।९६।।
sumukhī nalinī subhrūḥ śobhanā suranāyikā
kālakaṇṭhī kāntimatī kṣobhiṇī sūkṣmarūpiṇī [96]
वज्रेश्वरी वामदेवी वयोऽवस्था विवर्जिता ।
सिद्धेश्वरी सिद्धविद्या सिद्धमाता यशस्वनी ।।९७।।
vajreśvarī vāmadevī vayo'vasthā vivarjitā
siddheśvarī siddhavidyā siddhamātā yaśasvanī [97]
विशुद्धिचक्र निलया आरक्तवर्णा त्रिलोचना ।
खट्वाङ्गादि प्रहरणा वदनैक समन्विता ।।९८।।
viśuddhicakra nilayā āraktavarṇā trilocanā
khaṭvāṅgādi praharaṇā vadanaika samanvitā [98]
पायसान्न प्रिया त्वक्स्था पशुलोक भयङ्करी ।
अमृतादि महाशक्ति संवृता डाकिनीश्वरी ।।९९।।
pāyasānna priyā tvaksthā paśuloka bhayaṅkarī
amṛtādi mahāśakti saṃvṛtā ḍākinīśvarī [99]
अनाहाताब्ज निलया श्यामाभा वदनद्वया ।
दंष्ट्रोज्ज्वलाऽक्ष मालादि धरा रुधिर संस्थिता ।।१००।।
anāhātābja nilayā śyāmābhā vadanadvayā
daṃṣṭrojjvalā'kṣa mālādi dharā rudhira saṃsthitā [100]
कालरात्र्यादि शक्त्यौघ वृता स्निग्धौदन प्रिया ।
महावीरेन्द्र वरदा राकिण्यम्बा स्वरूपिणी ।।१०१।।
kālarātryādi śaktyaugha vṛtā snigdhaudana priyā
mahāvīrendra varadā rākiṇyambā svarūpiṇī [101]
मणिपूराब्ज निलया वदनत्रय संयुता ।
वज्रादिकायुधोपेता डामर्यादिभिर् आवृता ।।१०२।।
maṇipūrābja nilayā vadanatraya saṃyutā
vajrādikāyudhopetā ḍāmaryādibhir āvṛtā [102]
रक्तिवर्णा मांसनिष्ठा गुडान्न प्रीत मानसा ।
समस्तभक्त सुखदा लाकिन्यम्बा स्वरूपिणी ।।१०३।।
raktivarṇā māṃsaniṣṭhā guḍānna prīta mānasā
samastabhakta sukhadā lākinyambā svarūpiṇī [103]
स्वाधिष्ठानाम्बुज गता चतुर्वक्त्र मनोहरा ।
शूलाद्यायुध सम्पन्ना पीतवर्णाऽतिगर्विता ।।१०४।।
svādhiṣṭhānāmbuja gatā caturvaktra manoharā
śūlādyāyudha sampannā pītavarṇā'tigarvitā [104]
मेदो निष्ठा मधुप्रीता बन्धिन्यादि समन्विता ।
दध्यन्नासक्त हृदया काकिनी रूप धारिणी ।।१०५।।
medo niṣṭhā madhuprītā bandhinyādi samanvitā
dadhyannāsakta hṛdayā kākinī rūpa dhāriṇī [105]
मूलाधाराम्बुजारूढा पञ्च वक्त्राऽस्थि संस्थिता ।
अङ्कुशादि प्रहरणा वरदादि निषेविता ।।१०६।।
mūlādhārāmbujārūḍhā pañca vaktrā'sthi saṃsthitā
aṅkuśādi praharaṇā varadādi niṣevitā [106]
मुद्गौदनासक्त चित्ता साकिन्यम्बा स्वरूपिणी ।
आज्ञा चक्राब्ज निलया शुक्लवर्णा षडानना ।।१०७।।
mudgaudanāsakta cittā sākinyambā svarūpiṇī
ājñā cakrābja nilayā śuklavarṇā ṣaḍānanā [107]
मज्जा संस्था हंसवती मुख्य शक्ति समन्विता ।
हरिद्रान्नैक रसिका हाकिनी रूप धारिणी ।।१०८।।
majjā saṃsthā haṃsavatī mukhya śakti samanvitā
haridrānnaika rasikā hākinī rūpa dhāriṇī [108]
सहस्रदल पद्मस्था सर्व वर्णोप शोभिता ।
सर्वायुधधरा शुक्लसंस्थिता सर्वतोमुखी ।।१०९।।
sahasradala padmasthā sarva varṇopa śobhitā
sarvāyudhadharā śukla saṃsthitā sarvatomukhī [109]
सर्वौदन प्रीतचित्ता याकिन्यम्बा स्वरूपिणी ।
स्वाहा स्वधाऽमतिर् मेधा श्रुति: स्मृतिर् अनुत्तमा ।।११०।।
sarvaudana prītacittā yākinyambā svarūpiṇī
svāhā svadhā'matir medhā śrutiḥ smṛtir anuttamā [110]
पुण्यकीर्तिः पुण्यलभ्या पुण्यश्रवण कीर्तना ।
पुलोमजार्चिता बन्धमोचनी बन्धुरालका ।।१११।।
puṇyakīrtiḥ puṇyalabhyā puṇyaśravaṇa kīrtanā
pulomajārcitā bandhamocanī bandhurālakā [111]
विमर्शरूपिणी विद्या वियदादि जगत्प्रसूः ।
सर्वव्याधि प्रशमनी सर्वमृत्यु निवारिणी ।।११२।।
vimarśarūpiṇī vidyā viyadādi jagatprasūḥ
sarvavyādhi praśamanī sarvamṛtyu nivāriṇī [112]
अग्रगण्याऽचिन्त्यरूपा कलिकल्मष नाशिनी ।
कात्यायनी कालहन्त्री कमलाक्ष निषेविता ।।११३।।
agragaṇyā'cintyarūpā kalikalmaṣa nāśinī
kātyāyanī kālahantrī kamalākṣa niṣevitā [113]
ताम्बूल पूरित मुखी दाडिमी कुसुम प्रभा ।
मृगाक्षी मोहिनी मुख्या मृडानी मित्ररूपिणी ।।११४।।
tāmbūla pūrita mukhī dāḍimī kusuma prabhā
mṛgākṣī mohinī mukhyā mṛḍānī mitrarūpiṇī [114]
नित्य तृप्ता भक्तिनिधिर् नियन्त्री निखिलेश्वरी ।
मैत्र्यादि वासनालभ्या महा प्रलय साक्षिणी ।।११५।।
nitya tṛptā bhaktinidhir niyantrī nikhileśvarī
maitryādi vāsanālabhyā mahā pralaya sākṣiṇī [115]
पराशक्तिः परानिष्ठा प्रज्ञानघन रूपिणी ।
माध्वीपानालसा मत्ता मातृका वर्ण रूपिणी ।।११६।।
parāśaktiḥ parāniṣṭhā prajñānaghana rūpiṇī
mādhvīpānālasā mattā mātṛkā varṇa rūpiṇī [116]
महाकैलास निलया मृणाल मृदु दोर्लता ।
महनीया दयामूर्तिर् महासाम्राज्य शालिनी ।।११७।।
mahākailāsa nilayā mṛṇāla mṛdu dorlatā
mahanīyā dayāmūrtir mahāsāmrājya śālinī [117]
आत्मविद्या महाविद्या श्रीविद्या कामसेविता ।
श्रीषोडशाक्षरी विद्या त्रिकूटा कामकोटिका ।।११८।।
ātmavidyā mahāvidyā śrīvidyā kāmasevitā
śrīṣoḍaśākṣarī vidyā trikūṭā kāmakoṭikā [118]
कटाक्ष किङ्करी भूत कमला कोटि सेविता ।
शिरःस्थिता चन्द्रनिभा भालस्थेन्द्र धनुः प्रभा ।।११९।।
kaṭākṣa kiṅkarī bhūta kamalā koṭi sevitā
śiraḥsthitā candranibhā bhālasthendra dhanuḥ prabhā [119]
हृदयास्था रविप्रख्या त्रिकोणान्तर दीपिका ।
दाक्षायणी दैत्यहन्त्री दक्षयज्ञविनाशिनी ।।१२०।।
hṛdayāsthā raviprakhyā trikoṇāntara dīpikā
dākṣāyaṇī daityahantrī dakṣayajñavināśinī [120]
दरान्दोलित दीर्घाक्षी दरहासोज्ज्वलन् मुखी ।
गुरुमूर्तिर् गुणनिधिर् गोमाता गुहजन्म भूः ।।१२१।।
darāndolita dīrghākṣī darahāsojjvalan mukhī
gurumūrtir guṇanidhir gomātā guhajanma bhūḥ [121]
देवेशी दण्डनीतिस्था दहराकाश रुपिणी ।
प्रतिपन्मुख्य राकान्त तिथि मण्डल पूजिता ।।१२२।।
deveśī daṇḍanītisthā daharākāśa rupiṇī
pratipanmukhya rākānta tithi maṇḍala pūjitā [122]
कलात्मिका कलानाथा काव्यालाप विनोदनी ।
सचामर रमा वाणी सव्य दक्षिण सेविता ।।१२३।।
kalātmikā kalānāthā kāvyālāpa vinodanī
sacāmara ramā vāṇī savya dakṣiṇa sevitā [123]
आदिशक्तिर् अमेयाऽऽत्मा परमा पावनाकृतिः ।
अनेक कोटि ब्रह्माण्डजननी दिव्य विग्रहा ।।१२४।।
ādiśaktir ameyā''tmā paramā pāvanākṛtiḥ
aneka koṭi brahmāṇḍajananī divya vigrahā [124]
क्लीङ्कारी केवला गुह्या कैवल्य पद दायिनी ।
त्रिपुरा त्रिजगद्वन्द्या त्रिमूर्तिस् त्रिदशेश्वरी।१२५।।
klīṅkārī kevalā guhyā kaivalya pada dāyinī
tripurā trijagadvandyā trimūrtis tridaśeśvarī [125]
त्र्यक्षरी दिव्य गन्धाढ्या सिन्दूर तिलकाञ्चिता ।
उमा शैलेन्द्रतनया गौरी गन्धर्व सेविता ।।१२६।।
tryakṣarī divya gandhāḍhyā sindūra tilakāñcitā
umā śailendratanayā gaurī gandharva sevitā [126]
विश्वगर्भा स्वर्णगर्भाऽवरदा वागधीश्वरी ।
ध्यानगम्याऽपरिच्छेद्या ज्ञानदा ज्ञानविग्रहा ।।१२७।।
viśvagarbhā svarṇagarbhā'varadā vāgadhīśvarī
dhyānagamyā'paricchedyā jñānadā jñānavigrahā [127]
सर्व वेदान्त संवेद्या सत्यानन्द स्वरूपिणी ।
लोपामुद्रार्चिता लीला कॢप्त ब्रह्माण्ड मण्डला ।।१२८।।
sarva vedānta saṃvedyā satyānanda svarūpiṇī
lopāmudrārcitā līlā kḷpta brahmāṇḍa maṇḍalā [128]
अदृश्या दृश्यरहिता विज्ञात्री वेद्य वर्जिता ।
योगिनी योगदा योग्या योगानन्दा युगन्धरा ।।१२९।।
adṛśyā dṛśyarahitā vijñātrī vedya varjitā
yoginī yogadā yogyā yogānandā yugandharā [129]
इच्छाशक्ति ज्ञानशक्ति क्रियाशक्ति स्वरूपिणी ।
सर्वाधारा सुप्रतिष्ठा सदसद्रूप धारिणी ।।१३०।।
icchāśakti jñānaśakti kriyāśakti svarūpiṇī
sarvādhārā supratiṣṭhā sadasadrūpa dhāriṇī [130]
अष्टमूर्तिर् अजाजैत्री लोकयात्रा विधायिनी ।
एकाकिनी भूमरूपा निर्द्वैता द्वैतवर्जिता ।।१३१।।
aṣṭamūrtir ajājaitrī lokayātrā vidhāyinī
ekākinī bhūmarūpā nirdvaitā dvaitavarjitā [131]
अन्नदा वसुदा वृद्धा ब्रह्मात्मैक्य स्वरूपिणी ।
बृहती ब्राह्मणी ब्राह्मी ब्रह्मानन्दा बलिप्रिया ।।१३२।।
annadā vasudā vṛddhā brahmātmaikya svarūpiṇī
bṛhatī brāhmaṇī brāhmī brahmānandā balipriyā [132]
भाषारूपा बृहत्सेना भावाभाव विवर्जिता ।
सुखाराध्या शुभकरी शोभना सुलभागतिः ।।१३३।।
bhāṣārūpā bṛhatsenā bhāvābhāva vivarjitā
sukhārādhyā śubhakarī śobhanā sulabhāgatiḥ [133]
राजराजेश्वरी राज्यदायिनी राज्यवल्लभा ।
राजत्कृपा राजपीठ निवेशित निजाश्रिता ।।१३४।।
rājarājeśvarī rājyadāyinī rājyavallabhā
rājatkṛpā rājapīṭha niveśita nijāśritā [134]
राज्यलक्ष्मीः कोशनाथा चतुरङ्ग बलेश्वरी ।
साम्राज्य दायिनी सत्यसन्धा सागरमेखला ।।१३५।।
rājyalakṣmīḥ kośanāthā caturaṅga baleśvarī
sāmrājya dāyinī satyasandhā sāgaramekhalā [135]
दीक्षिता दैत्यशमनी सर्वलोकवशङ्करी ।
सर्वार्थदात्री सावित्री सच्चिदानन्द रूपिणी ।।१३६।।
dīkṣitā daityaśamanī sarvalokavaśaṅkarī
sarvārthadātrī sāvitrī saccidānanda rūpiṇī [136]
देशकालापरिच्छिन्ना सर्वगा सर्वमोहिनी ।
सरस्वती शास्रमयी गुहाम्बा गुह्यरूपिणी ।।१३७।।
deśakālāparicchinnā sarvagā sarvamohinī
sarasvatī śāsramayī guhāmbā guhyarūpiṇī [137]
सर्वोपाधि विनिर्मुक्ता सदाशिव पतिव्रता ।
सम्प्रदायेश्वरी साध्वी गुरुमण्डल रूपिणी ।।१३८।।
sarvopādhi vinirmuktā sadāśiva pativratā
sampradāyeśvarī sādhvī gurumaṇḍala rūpiṇī [138]
कुलोत्तीर्णा भगाराध्या माया मधुमती मही ।
गणाम्बा गुह्यकाराध्या कोमलाङ्गी गुरुप्रिया ।।१३९।।
kulottīrṇā bhagārādhyā māyā madhumatī mahī
gaṇāmbā guhyakārādhyā komalāṅgī gurupriyā [139]
स्वतन्त्रा सर्वतन्त्रेशी दक्षिणामूर्ति रूपिणी ।
सनकादि समाराध्या शिवज्ञान प्रदायिनी ।।१४०।।
svatantrā sarvatantreśī dakṣiṇāmūrti rūpiṇī
sanakādi samārādhyā śivajñāna pradāyinī [140]
चित्कलाऽऽनन्द कलिका प्रेमरूपा प्रियङ्करी ।
नामपारायण प्रीता नन्दिविद्या नटेश्वरी ।।१४१।।
citkalā''nanda kalikā premarūpā priyaṅkarī
nāmapārāyaṇa prītā nandividyā naṭeśvarī [141]
मिथ्या जगदधिष्ठाना मुक्तिदा मुक्तिरूपिणी ।
लास्यप्रिया लयकरी लज्जा रम्भादिवन्दिता ।।१४२।।
mithyā jagadadhiṣṭhānā muktidā muktirūpiṇī
lāsyapriyā layakarī lajjā rambhādivanditā [142]
भवदाव सुधावृष्टिः पापारण्य दवानला ।
दौर्भाग्य तूलवातूला जराध्वान्त रविप्रभा ।।१४३।।
bhavadāva sudhāvṛṣṭiḥ pāpāraṇya davānalā
daurbhāgya tūlavātūlā jarādhvānta raviprabhā [143]
भाग्याब्धि चन्द्रिका भक्तचित्तकेकि घनाघना ।
रोगपर्वत दम्भोलिर् मृत्युदारु कुठारिका ।।१४४।।
bhāgyābdhi candrikā bhaktacittakeki ghanāghanā
rogaparvata dambholir mṛtyudāru kuṭhārikā [144]
महेश्वरी महाकाली महाग्रासा महाशना ।
अपर्णा चण्डिका चण्डमुण्डासुर निषूदिनी ।।१४५।।
maheśvarī mahākālī mahāgrāsā mahāśanā
aparṇā caṇḍikā caṇḍamuṇḍāsura niṣūdinī [145]
क्षराक्षरात्मिका सर्वलोकेशी विश्वधारिणी ।
त्रिवर्गदात्री सुभगा त्र्यम्बका त्रिगुणात्मिका ।।१४६।।
kṣarākṣarātmikā sarvalokeśī viśvadhāriṇī
trivargadātrī subhagā tryambakā triguṇātmikā [146]
स्वर्गापवर्गदा शुद्धा जपापुष्प निभाकृतिः ।
ओजोवती द्युतिधरा यज्ञरूपा प्रियव्रता ।।१४७।।
svargāpavargadā śuddhā japāpuṣpa nibhākṛtiḥ
ojovatī dyutidharā yajñarūpā priyavratā [147]
दुराराध्या दुराधर्षा पाटली कुसुम प्रिया ।
महती मेरुनिलया मन्दार कुसुम प्रिया ।।१४८।।
durārādhyā durādharṣā pāṭalī kusuma priyā
mahatī merunilayā mandāra kusuma priyā [148]
वीराराध्या विराड्रूपा विरजा विश्वतोमुखी ।
प्रत्यग्रूपा पराकाशा प्राणदा प्राणरूपिणी ।।१४९।।
vīrārādhyā virāḍrūpā virajā viśvatomukhī
pratyagrūpā parākāśā prāṇadā prāṇarūpiṇī [149]
मार्ताण्ड भैरवाराध्या मन्त्रिणीन्यस्त राज्यधूः ।
त्रिपुरेशी जयत्सेना निस्रैगुण्या परापरा ।।१५०।।
mārtāṇḍa bhairavārādhyā mantriṇīnyasta rājyadhūḥ
tripureśī jayatsenā nisraiguṇyā parāparā [150]
सत्यज्ञानानन्द रूपा सामरस्य परायणा ।
कपर्दिनी कलामाला कामधुक् कामरूपिणी ।।१५१।।
satyajñānānanda rūpā sāmarasya parāyaṇā
kapardinī kalāmālā kāmadhuk kāmarūpiṇī [151]
कलानिधिः काव्यकला रसज्ञा रसशेवधिः ।
पुष्टा पुरातना पूज्या पुष्करा पुष्करेक्षणा ।।१५२।।
kalānidhiḥ kāvyakalā rasajñā rasaśevadhiḥ
puṣṭā purātanā pūjyā puṣkarā puṣkarekṣaṇā [152]
परञ्ज्योतिः परन्धाम परमाणुः परात्परा ।
पाशहस्ता पाशहन्त्री परमन्त्र विभेदिनी ।।१५३।।
parañjyotiḥ parandhāma paramāṇuḥ parātparā
pāśahastā pāśahantrī paramantra vibhedinī [153]
मूर्ताऽमूर्ता अनित्यतृप्ता मुनिमानस हंसिका ।
सत्यव्रता सत्यरूपा सर्वान्तर्यामिनी सती ।।१५४।।
mūrtā'mūrtā anityatṛptā munimānasa haṃsikā
satyavratā satyarūpā sarvāntaryāminī satī [154]
ब्रह्माणी ब्रह्मजननी बहुरूपा बुधार्चिता ।
प्रसवित्री प्रचण्डाऽऽज्ञा प्रतिष्ठा प्रकटाकृतिः ।।१५५।।
brahmāṇī brahmajananī bahurūpā budhārcitā
prasavitrī pracaṇḍā''jñā pratiṣṭhā prakaṭākṛtiḥ [155]
प्राणेश्वरी प्राणदात्री पञ्चाशत्पीठ रूपिणी ।
विशृङ्खला विविक्तस्था वीरमाता वियत्प्रसू: ।।१५६।।
prāṇeśvarī prāṇadātrī pañcāśatpīṭha rūpiṇī
viśṛṅkhalā viviktasthā vīramātā viyatprasūḥ [156]
मुकुन्दा मुक्तिनिलया मूलविग्रह रूपिणी ।
भावज्ञा भवरोगघ्नी भवचक्र प्रवर्तिनी ।।१५७।।
mukundā muktinilayā mūlavigraha rūpiṇī
bhāvajñā bhavarogaghnī bhavacakra pravartinī [157]
छन्दः सारा शास्रसारा मन्त्रसारा तलोदरी ।
उदारकीर्तिर् उद्दामवैभवा वर्णरूपिणी ।।१५८।।
chandaḥ sārā śāsrasārā mantrasārā talodarī
udārakīrtir uddāmavaibhavā varṇarūpiṇī [158]
जन्ममृत्यु जरातप्त जनविश्रान्ति दायिनी ।
सर्वोपनिषदुद् घुष्टा शान्त्यतीत कलात्मिका ।।१५९।।
janmamṛtyu jarātapta janaviśrānti dāyinī
sarvopaniṣadud ghuṣṭā śāntyatīta kalātmikā [159]
गम्भीरा गगनान्तस्था गर्विता गानलोलुपा ।
कल्पना रहिता काष्ठाऽकान्ता कान्तार्ध विग्रहा ।।१६०।।
gambhīrā gaganāntasthā garvitā gānalolupā
kalpanā rahitā kāṣṭhā'kāntā kāntārdha vigrahā [160]
कार्यकारण निर्मुक्ता कामकेलि तरङ्गिता ।
कनत्कनकता टङ्का लीला विग्रह धारिणी ।।१६१।।
kāryakāraṇa nirmuktā kāmakeli taraṅgitā
kanatkanakatā ṭaṅkā līlā vigraha dhāriṇī [161]
अजा क्षयविनिर्मुक्ता मुग्धा क्षिप्र प्रसादिनी ।
अन्तर्मुख समाराध्या बहिर्मुख सुदुर्लभा ।।१६२।।
ajā kṣayavinirmuktā mugdhā kṣipra prasādinī
antarmukha samārādhyā bahirmukha sudurlabhā [162]
त्रयी त्रिवर्ग निलया त्रिस्था त्रिपुर मालिनी ।
निरामया निरालम्बा स्वात्मारामा सुधासृतिः ।।१६३।।
trayī trivarga nilayā tristhā tripura mālinī
nirāmayā nirālambā svātmārāmā sudhāsṛtiḥ [163]
संसारपङ्क निर्मग्न समुद्धरण पण्डिता ।
यज्ञप्रिया यज्ञकर्त्री यजमान स्वरूपिणी ।।१६४।।
saṃsārapaṅka nirmagna samuddharaṇa paṇḍitā
yajñapriyā yajñakartrī yajamāna svarūpiṇī [164]
धर्माधारा धनाध्यक्षा धनधान्य विवर्धिनी ।
विप्रप्रिया विप्ररूपा विश्वभ्रमण कारिणी ।।१६५।।
dharmādhārā dhanādhyakṣā dhanadhānya
vivardhinī viprapriyā viprarūpā viśvabhramaṇa kāriṇī [165]
विश्वग्रासा विद्रुमाभा वैष्णवी विष्णुरूपिणी ।
अयोनिर् योनि निलया कूटस्था कुलरूपिणी ।।१६६।।
viśvagrāsā vidrumābhā vaiṣṇavī viṣṇurūpiṇī
ayonir yoni nilayā kūṭasthā kularūpiṇī [166]
वीरगोष्ठी प्रिया वीरा नैष्कर्म्या नादरूपिणी ।
विज्ञानकलना कल्या विदग्धा बैन्दवासना ।।१६७।।
vīragoṣṭhī priyā vīrā naiṣkarmyā nādarūpiṇī
vijñānakalanā kalyā vidagdhā baindavāsanā [167]
तत्त्वाधिका तत्त्वमयी तत्त्वमर्थ स्वरूपिणी ।
सामगान प्रिया सोम्या सदाशिव कुटुम्बिनी ।।१६८।।
tattvādhikā tattvamayī tattvamartha svarūpiṇī
sāmagāna priyā somyā sadāśiva kuṭumbinī [168]
सव्यापसव्य मार्गस्था सर्वापद्विनिवारिणी ।
स्वस्था स्वभावमधुरा धीरा धीरसमर्चिता ।।१६९।।
savyāpasavya mārgasthā sarvāpadvinivāriṇī
svasthā svabhāvamadhurā dhīrā dhīrasamarcitā [169]
चैतन्यार्ध्य समाराध्या चैतन्य कुसुम प्रिया ।
सदोदिता सदातुष्टा तरुणादित्य पाटला ।।१७०।।
caitanyārdhya samārādhyā caitanya kusuma priyā
sadoditā sadātuṣṭā taruṇāditya pāṭalā [170]
दक्षिणा दक्षिणाराध्या दरस्मेर मुखाम्बुजा ।
कौलिनी केवलाऽनर्घ्य कैवल्य पद दायिनी ।।१७१।।
dakṣiṇā dakṣiṇārādhyā darasmera mukhāmbujā
kaulinī kevalā'narghya kaivalya pada dāyinī [171]
स्तोत्र प्रिया स्तुतिमती श्रुति संस्तुत वैभवा ।
मन्स्विनी मानवती महेशी मंङ्गलाकृतिः ।।१७२।।
stotra priyā stutimatī śruti saṃstuta vaibhavā
mansvinī mānavatī maheśī maṃṅgalākṛtiḥ [172]
विश्वमाता जगद्धात्री विशालाक्षी विरागिणी ।
प्रगल्भा परमोदारा परामोदा मनोमयी ।।१७३।।
viśvamātā jagaddhātrī viśālākṣī virāgiṇī
pragalbhā paramodārā parāmodā manomayī [173]
व्योमकेशी विमानस्था वज्रिणी वामकेश्वरी ।
पञ्चयज्ञ प्रिया पञ्चप्रेत मञ्चाधिशायिनी ।।१७४।।
vyomakeśī vimānasthā vajriṇī vāmakeśvarī
pañcayajña priyā pañcapreta mañcādhiśāyinī [174]
पञ्चमी पञ्चभूतेशी पञ्चसंख्योपचारिणी ।
शाश्वती शाश्वतैश्वर्या शर्मदा शम्भुमोहिनी ।।१७५।।
pañcamī pañcabhūteśī pañcasaṃkhyopacāriṇī
śāśvatī śāśvataiśvaryā śarmadā śambhumohinī [175]
धरा धरसुता धन्या धर्मिणी धर्मवर्धिनी ।
लोकातीता गुणातीता सर्वातीता शमात्मिका ।।१७६।।
dharā dharasutā dhanyā dharmiṇī dharmavardhinī
lokātītā guṇātītā sarvātītā śamātmikā [176]
बन्धूक कुसुम प्रख्या बाला लीला विनोदिनी ।
सुमङ्गली सुखकरी सुवेषाढ्या सुवासिनी ।।१७७।।
bandhūka kusuma prakhyā bālā līlā vinodinī
sumaṅgalī sukhakarī suveṣāḍhyā suvāsinī [177]
सुवासिन्यर्चन प्रीताऽऽशोभना शुद्ध मानसा ।
बिन्दु तर्पण सन्तुष्टा पूर्वजा त्रिपुराम्बिका ।।१७८।।
suvāsinyarcana prītā''śobhanā śuddha mānasā
bindu tarpaṇa santuṣṭā pūrvajā tripurāmbikā [178]
दशमुद्रा समाराध्या त्रिपुराश्रीवशङ्करी ।
ज्ञानमुद्रा ज्ञानगम्या ज्ञान ज्ञेय स्वरूपिणी ।।१७९।।
daśamudrā samārādhyā tripurāśrīvaśaṅkarī
jñānamudrā jñānagamyā jñāna jñeya svarūpiṇī [179]
योनिमुद्रा त्रिखण्डेशी त्रिगुणाम्बा त्रिकोणगा ।
अनघाऽद्भुत चारित्रा वाञ्छितार्थ प्रदायिनी ।।१८०।।
yonimudrā trikhaṇḍeśī triguṇāmbā trikoṇagā
anaghā'dbhuta cāritrā vāñchitārtha pradāyinī [180]
अभ्यासातिशय ज्ञाता षडध्वातीत रूपिणी ।
अव्याज करुणा मूर्तिर् अज्ञान ध्वान्त दीपिका ।।१८१।।
abhyāsātiśaya jñātā ṣaḍadhvātīta rūpiṇī
avyāja karuṇā mūrtir ajñāna dhvānta dīpikā [181]
आबाल गोप विदिता सर्वानुल्लङ्घ्य शासना ।
श्रीचक्रराज निलया श्रीमत् त्रिपुरसुन्दरी ।।१८२।।
ābāla gopa viditā sarvānullaṅghya śāsanā
śrīcakrarāja nilayā śrīmat tripurasundarī [182]
श्री शिवा शिवशक्त्यैक्य रूपिणी ललिताम्बिका
ॐ śrī śivā śivaśaktyaikya rūpiṇī lalitāmbikā
इति श्री ब्रह्माण्ड पुराणे उत्तरखण्डे
श्री हयग्रीवागस्त्यसंवादे
श्री ललिता साहस्रनाम स्तोत्र कथनं सम्पूर्णम्।।
iti śrī brahmāṇḍa purāṇe uttarakhaṇḍe
śrī hayagrīvāgastyasaṃvāde
śrī lalitā sāhasranāma stotra kathanaṃ sampūrṇam
सिन्दूरारुण विग्रहां त्रिनयनां माणिक्यमौलि स्फुरत्
तारा नायक शेखरां स्मितमुखीमापीन वक्ष्होरुहाम् ।
पाणिभ्यामलिपूर्ण रत्न चषकं रक्तोत्पलम् बिभ्रतीं
सौम्यां रत्न घटस्थ रक्तचरणां ध्यायेत् परांम्बिकाम् ।।
sindhūrāruṇa vigrahāṃ trinayanāṃ māṇikyamauli sphurat
tārā nāyaka śekharāṃ smitamukhīmāpīna vakṣoruhām
pāṇibhyāmalipūrṇa ratna caṣakaṃ raktotpalam bibhratīṃ
saumyāṃ ratna ghaṭastha raktacaraṇāṃ dhyāyet parāṃmbikām
The Divine Mother is to be meditated upon as shining in a vermilion-red body, with a triple eyes, sporting a crown of rubies studded with the crescent moon, a face all smiles, a splendid bust, one hand holding a jewel-cup brimming with mead, and the other twirling a red lotus.
ॐ ऐं ह्रीं श्रीं
ॐ श्रीं मात्रे नमः श्रीं
ॐ ऐं ह्रीं श्रीं
ॐ ह्रीं श्री ललिताम्बिकायै नमः श्रीं
oṃ aiṃ hrīṃ śrīṃ
oṃ śrīṃ mātre namaḥ śrīṃ
oṃ aiṃ hrīṃ śrīṃ
oṃ hrīṃ śrī lalitāmbikāyai namaḥ śrīṃ
